3 systkin

katrín: í þar síðustu viku (á fimmtudeginum) kom katrín heim með klór aftan á hálsinum, frekar slæmt klór en það var ekkert hægt að gera nema setja smyrsl á það og hjálpa því að gróa. allavega, á föstudagskvöld tókum við eftir því að langatöng á hægri hendi var bólgin alveg við nöglina. við tókum okkur til og náðum að kreista smá gröft út og sprittuðum svo og gerðum allt fínt.. fórum svo í síðustu viku til læknis og fengum sýklalyf handa henni.. þetta var ekkert alveg að virka sem við gerðum og fingurinn var ekkert að batna. en núna er þetta allt að koma hjá henni
það er allt glimrandi í vesturhlíð. hún er að fara í bátsferðir, fjöruferðir, göngutúra og í nauthólsvík. það eru alltaf sundferðir á miðvikudögum og grillað á föstudögum svo það er nóg að gera. hún er samt að fara í frí frá og með næsta mánudegi í 2 vikur svo þá getur hún slakað aðeins á og notið sín í sólbaði eða eitthvað

kristofer: hann fór til mallorca í 3 vikur með pabba sinum og fjölskyldu hans. hann kom heim súkkulaðibrúnn og sætur og með alveg snjóhvítt hár. ég leyfði honum að fara út með olympus myndavélina mína og drengurinn tók 245 myndir. svo sem ekkert allar frábærar en rosalega margar góðar og fullt af spennandi sjónarhornum hjá honum. hann er líka að fara í frí aftur með pabba sínum eins og katrín í 2 vikur. krissi fór á leikjanámskeið í sumar og fílaði það fínt, vildi samt frekar fara á siglinganámskeið eða smíðanámskeiðið en það fyrra var fullt og það seinna er hann of ungur í svo næsta sumar er séns að koma honum að

jón pétur: er alltaf jafn mikið krútt. hann kom í kvöld og skreið í fangið á mér. ég var að horfa á tv og litli ekki sáttur með þessa litlu athygli. hann tók um kinnarnar á mér og sagði alltaf mamma mamma mamma og kyssti mig svo.. greyið veit alveg hvernig á að fá smá athygli.. bara kyssa mömmu og þá á hann mig skuldlaust ( ég er nebblega alltaf að biðja um koss og hann segir alltaf nei, nema þegar hann getur nýtt sér það svona )
hann er ótrúlegur mathákur á allt nema það sem er í matinn. hann biður alltaf um gúrt eða bana sem eru jógúrt og banani og svo þegar hann fer að sofa þá er það gónótt grafa, gónótt bíllinn, gónótt allir og gerir fingurkoss til allra sem sitja í stofunni bara dúlla

jæja það er kominn háttatími svo ég læt þetta duga í bili